You are here:
< Back

 

E komunidat di Boneiru a kambia hopi durante e ultimo añanan.

Instansianan ku nos tabata konosé algun aña atras no ta eksistí mas.

E servisionan ku tabata disponibel pa e adulto mayo (hende grandi, 60 plùs) ta funshoná bou di un otro nòmber, a disparsé òf ta parti di un struktura organisatorio kompletamente diferente, ku otro regla i prosedura i na un otro sitio

Pa e motibu aki Fundashon Konsulta pa Grandinan Boneiru a tuma e inisiativa pa kompilá datonan i traha e Mapa Sosial aki huntu ku Pasadianan pa Hende Grandi i Organisashonnan 60 plùs. E Mapa Sosial aki ta parti di e kombenio di kontrato di kuido ku Fundashon Konsulta pa Grandinan di Boneiru, FKB, tin ku entidat Públiko di Gobièrnu, OLB i Direktorado Komunidat i Kuido.

Mapa Sosial ta prinsipal pa tur grupo di enfoke ku e meta pa yega fásil na informashon nesesario.

E ta un manual kaminda personanan ku ta buska yudansa por haña numbernan di telefòn ku ta bailoso i/o sosial.

Tambe otronan interesá den trabou boluntario sa serka ken i unda por akudí

Mas importante ta ku Pasadianan pa Hende Grandi i Organisashonnan di 60 plùs tin un Mapa Sosial den kua nan ta wòrdu profilá. 

Ku e desaroyo aki FKB huntu ku tur e aktornan ariba menshoná a kumpli ku e tarea pa produsí un Mapa Sosial i den futuro ta sigui komplet’é na benefisio di komunidat.

 

3 desèmber 2017

Na nòmber di Bestür Fundashon Konsulta pa Grandinan Boneiru.